1. Intärns 2023

Dangg dr Initiative vo de drei engagierte Jurymitgliider, Veronique, Stefanie und Gaudenz het's erschte Intärne könne stattfinde.

Ziege & Küpfi: Gin Tonic
Was Gott zämmebringt, dass söll dr Mensch nit trenne
Suscht gits e mega Drama, derzue no viel Geflenne
Au dr nöggschti Ufftritt isch so e himmlisch Paar
Drum hoffe mir Ihr geniesset dä jetzt ganz und gar
S‘ wird ganz sicher ygoh in unsri Chromosömli Chronic
Dr erscht Bytrag vom erschte Intärne isch dr Gin und Tonic

Kati & Stefi: Morgrstraich für Afänger
S‘ isch ame früh am Morge und au schampar kalt
Ich frog mi scho, sind mir für das nit langsam z‘ alt?
Die beide nöggschte Dame finde dütlig Nei!
Und sind am vieri scho fit und munter uff de Bei
Bis zum z’ Morge ane völlig wach, ganz ohni Durchhänger
Mir wünsche Euch viel Spass bi Morgestreich für Afänger

Simone: zum Erschte, zum Zweite und zum Dritte
Mir sind bestächlich, hämmer euch das eigentlig scho gseit?
Dr Obig isch nonig verby, Dir hättet also scho no d‘ Glägeheit
Dr Sieg an Meischtbietende z‘ versteigere, das lönd mir uns nit verbitte
Doch zuvor heissts jetzt scho: zum Erschte, zum Zweite und zum Dritte

Roger: Pfyifferröträt speziaalies
Mir Pfyiffer könne dä schnäll oder au ganz laaangsam
Und jede zweite Värs simmer denn komplett enthaltsam
Unseri Tamboure ihrersyits die Kämpfe Värs für Värs
Was do an Könne erwartet wird das finde syi pervärs
Dä ganzi Marsch dä finde sie gemein, ächt höllisch fies
Umso gspannter sind mir jetzt uff: Pfyfferröträt speziaalies

Salome, Tina, Anna, Caro, Annette, Josianne: Gässle
Mini Liebe gänd jetzt rueh und sind ganz Ohr
S‘ erwartet yis e wundervolle Damechor
Sexy, Intelligänt, nätt und mit Humor
So öbbis händ ihr no nie erläbt zuvor!
Ich bi sicher au Euch wird die nöggscht Nummere pässle
Drum freuet Euch mit uns uff d‘ Gässler*Inne mit: Gässle

Döl: Dr Zoggeli
Es rummplet und bumplet, me gspürt d‘ Nervosität
Isch das Gnick jetzt broche oder het är s‘ überläbt?
Jo s‘ richtig Schuehwerk an dr Fasnacht isch nit z‘ unterschätze
Suscht muesch am Änd no ins Spital go es Bettli besetze
Mir sind scho froh, isch uff dere Stäge denn nüt passiert
So hämmer Glück und jetzt wird dr Zoggeli präsentiert

Kosta: Cliquekäller
Äng, überfüllt, stickig, farbig und lebändig
En Abstieg an dr Fasnacht immer sälbschtverständlig
S‘ het leider amigs eifach viel z‘ viel Zivilischte
Eländi Heerschare vo so Käller-Kolonialischte
Hüt kümmert yis das nit, mir kömme nit in Rage
Als nöggschts an d‘ Clique Käller en Hommage

Daisy & Steffi: Finkis
Was jetzte kunnt das weiss ich wirklig nit
Doch ich bi überzügt, au das wird en ganz grosse Hit!
Was verbindet me mi Binggis, Schminkis oder Stinkis
Eigentlig nüt, doch s‘ isch s‘ einzig wo sich ryimt uff Finkis

Egeler: Vortrab plus
Was simmer froh um unseri Vorträbler, jo die sind wichtig
Sie bereite uns dr Wäg, sie zeige uns die richtig Richtig
Im Baselbiet länkt är die Polizischte mit starker Hand
Dr Goschdyim-Pryis bekunnt är hüt für sie süesses Gwand
Doch jetzt ganz schnäll, suscht red ich nomeh Stuss
Viel Vergniege bim nöggschte Schmakerl: Vortrab plus

Rüste & Pätty: dr Vorträbler
Pssssssst - als nöggschts do kunnt Bangg
Vom Vorträbler persönlig, das git mir jo e Schwank
Isch s‘ kulturelli Aeignig - mir sind uns do nit sicher
Egal, mir fordere jetzt viel Lacher und jo nit nur Gekicher !

Sarah, Olivia, & Barbara: die Alte
Schoggoladecreme im nöggschte Byitrag het mit Dessert gar nüt z‘ tue
D‘ Pfyiffer unter uns wüsse, bi däm Marsch kunnt me nit zur Rueh
D’ Reihefolg vo allne Värs die sitzt bi de Chromosömli nit ganz so guet
Das ganzi do vor uns z‘ spiele erfordert bestimmt au schön viel Muet
Also ich an Ihrer Stell hät ächt dr Gagg im Arsch
drum sagi eifach numme: die Alte, vorwärts Marsch

Christiane & Giselle: Arabi Ladies
Dr kommende Marsch dä isch uns allne wohlmbekannt
Doch spiele mir dä halt bestimmt nie ganz eso charmant
So hübsch, so schön, und zuglyich und zu no talentiert
Dr nöggscht Byitrag wird vo de Arabi Ladies presentiert

Felix: Skirenne 2040
Bim Après-ski do ghöre mir Chromosömli zur Wält-Elite
Was hämmer noch dere Beereli Bowle doch au nit alli glitte
Jetzt wämmer aber bitz in d‘ Zuekunft bligge
Tüen mir im 27 Johr no immer alli ähnlich tigge?
Es wird sich zeige, das muess sich denn erwiese
S’ Skirenne 2040 dörfe mir aber jetzt scho gniesse

Giselle: My Fair Lady
Bevor ihr gegenenad fasnächtlich tüend d‘ Klinge wetze
Wämmer erscht mol d‘ Mässlatte richtig asetze
Suscht könnt am Änd no jede oder jedi kho
E Goschdym überwärfe und eifach bi uns yistoh
E gwüssi Qualitätssicherig wär mängisch gar nit schlächt
S‘ würd s‘ Mobbe erübrige, das wär uns au grad rächt
Unsere Gascht wird Euch jetzt pMol musikalisch verwöhne
My Fair Lady - jo, so schönt kha Fasnacht töne

Daniela & Küpfi: Yistoh
Disziplin das mag bis uns scho Keine
Mir näme viel lieber nomol eine
Oder au mol zwei, drei, vier und gärn no meh
No es bitz dumm Schwärze tuet uns au nit weh
Drum könnts jetzt au e wenig länger go
Schänket Euch yi, denn jetzt heisst‘s: Yistoh!


Und d‘ Asproch:

1. Guete Oobe, wärti Dame, wärti Herre, Liebi Fründ und Fründinne,
2. Hüt Nacht wird Gschicht gschriibe, mir sin ganz Eufoorisch Hüt isch premiere, s’wird historisch!
3. E Chromosömli Gala us Plicht und Kür Bericheret mit Witz und gspür,
voll kanallharter Fasnachtskomtetänz Bestehend us dr Essänz
vo unzählige Johrzänt fasnachtsläbe und kreativ-strääbe!
1. Mir dörfe euch e Programm presentiere: 14 Stiggliy sin z’zelebriere!
Vo fanachts tanz
Und firlefanz
Vo musikalisch
Bis bestialisch,
Vo grobschlächtig bis sensiebel und koreographisch peniebel.... Farbig, lut, und wild
Es passt ins Chromosömli Bild!
2. neutral und ohni z’stüüre
Wänn mir unseri König küüre.
Mir mässe Luscht, Freud und Choreo Löhn s’5i mängisch grad lo stoh, Beguetachte Goschtim, Wirggig, Banalität Und alles mit voller neutralität.
3. Integer und unbestächlich simmer, ämmel fascht immer...
- Aagnoh hän mir no nüt,
bis am Zähni wär do no Zyt!
1. Wär aahfoht, das wird’s Los entscheide Glücksfee: eine vo däne beide!
Wenn ihr parat sind, diend ihr Riefe,
drno dien mir euch kurz begriesse
denn kunnt är, eure Momänt, eure grosse und mir dein uffmerksam luege, lache, loose...
2. So gots denn witer, Stück für Stück
Und am Änd, dangg Könne und Glück
Wüsse mir, wär gwunne het
Und wär s’näggscht Johr besser nümme sött...