Sag Jo Joo! Fanscht 2023
ÄHNLIGGKEIT MIT DOOO AHWÄSENDE ISCH REIN ZUEFELLIG!
Liebs Bruutbaar,
Amor’s Pfiil, het Euch Zwei breicht,
D’Liebi gstreut, und all die Gäscht,
zum Feschtli zämme drait!
Und Jä, HURAAAHHH!
-Sogar, die riiiichi Dante us Amerika!
(...die dummi Kueh!)
Veraint, het s’ Schiggsal Euch zwei do, mi Töchterli!
- I muess Diii loh goh!
Well’s kunnt do ain – schnappt Di mir wäg,
scho klaar, Duu hesch vor däm Reschpäggt!
Er, schlangg und gross, us guetem Huus, bringt nit nur Gäld
-nai au dr Schmuus! Für mi, seht dä uss, wie ne Schwamm,
unsre junge Brütigamm! I kah nid warte, und rief lut
-Wenn’s dä nid bringt, denn isch er nüt!
Mi Frau sait sträng-due nid eso!
Ich sag den aifach nur – jo, joo!
E schööni Brut- lueget se ah- Die Schööner, ha nur ich no gha!
Si git mir, nur vom beschte Fuetter,
s’isch klar,
ich reed vo dr, Bruutmueter!
Dr Standesbeamti isch parrat,
macht mit de Wörter e Spaagaat!
Was im Hintergrund so umezischt
-isch dr verpeilti Organischt!
D’ Drauzyyge probiere - do no ds stoh, dr Polterobe in Gedangge,
sin si noo böös am schwangge!
Dr Pfarrer het au Aine gno!
I hoff, dass wenigschtens dää, kha stoh?
Moment! - I versuechs mit andere Worte
-voll Schnaps isch er - wie d’ Hochzytstorte!
Stramm stoht d’ Kirche! - dr Altar, drüber liggt, dr schwarz Talar,
dr Brutstruss lüchtet -und d’ Ring no meh! Hesch Du die hybsche Jumpfere gseh! D’Bluememaittli strahle
-Oje - au die, darf ICH mit zahle!
D’ Gäscht sin bereit, Dr Belüüchter lüüchtets se uss, dr Fotigraf lüchtet se ab.
Dr Daitschmaischter schwitzt, scho zimligg schlapp, isch er am Start fyr d’Hochzytspischte in dr Hand het är, die Geschtelischte!
E Kemmifäger, wo bringt Glügg,
stoht es Stüggli hinde z’rugg,
er stoht, s’isch gar nid gross zum lache,
grad vor em Schwiegerdrache!
Dr Schwigerbabbe zupft si Bärtli und schiilt haimmlig uff d’ ...Dischkärtli
Abschetzig dänggt er - fyr Si Sohn?
Sigg das öbbe dr ganzi Lohn? Dä Tisch und die Tisch-Dekoration?
(Oder birngt’s am Schluss villicht e Hochzytspräsentation?)
S’ Capriolett stoht dusse bereit, hinde dra, vom Auti drait,
dschättere die Büxe lut, dass es aim, haut us de Sogge!
Lütter als die Hochzytsglogge!
Drno, i darfs joo nid vergässe - git’s das feine Hochzytsässe
D’ Wunschlischte losst no z’wünsche übrig,
D’ Hochzyds Dejayn und dr Deejay waggle zittrig, mit de Plattedäller - wo dr Tanzbär danzt, im Rümli unde, im Käller!
Es dantzt dört scho dr Hochzitsschwindler mit dr Mitgift, em Ex und mit de Kinder-
unehelig wohrschiinlig, innere Verkleidig, dr Awalt denn, für d’Ehescheidig.
Dr Apero, dä isch vorbi und jetzt, bevor s no wird viil wilder.
träffe mir ys, bim däm Daafelsilber, wo glänzig uf de Tische liggt,
Bevor denn s’ Bruutpaar zämme –
Im Zimmer...
Im Bett…
Jo, du waisch i meins eso, is sag du sottisch
jublee JO!
S’ Hochzitspaar wo zämme...
...Tanz und ebe zämme sotti...
... uff die Hochzytsfoti!
No verdienter Schlacht, kunnt denn ändligg d’ Hochzytnacht!
Und so wiss - soo wie das Tuech, isch dr Flägg - e riise Fluech!
Bevor dr Brütigamm, no d’Brut denn bisst, isch d’Hoffnig, dass das Strumpfband risst.
Si luegt verläge und meint derzue
-SAG ENDLIGG JO – ODEEER GIB RUE!
So jetzt! Löhn die wysse Düübli fliege,
das mir s’ Fescht, no ahhne griege!
Liebi fyr Alli- und öbiis Blaus!
So loohhn i Di lo go!
…mi liebi Brut
sag einfach JOOOOOOOO!
Comments