Slow down, take it easy! Schnäler, wyter, höher, alles ney, alles besser, alles anderscht, alles wie die andere, mindeschtens. Ich sött no, ich wött no, ich muess! Seggle, spute, vorwärs mache, numme 150%, grad gar keini halbe Sache. Kunnsch au, bisch drbyy, bisch gsy? Was? Hech nit? nei sag au! Aber do muesch! Unbedingt! Hesch’s gläse, gseh, ghört? Was, sogar sälber gmach? Lägg..., super! Was, nid iglade? Nit uff dr lischte? Nai kumm! Worum? 285 Fründe! Au moins! Möglischscht anders, eimolig, glich idividuell wie alli, aber komplett anderscht, nämmlig, lueg doch geanau ane! Kreativ, ideerich, produktiv, und alles möglichst konstruktiv und sälbscht redend notürlich au qualitativ! Sicher nit billig, doch möglichscht günstig.....! Kinder, Kaare, Hustier, Partner, Liebhaber, Job, Karriere, Sport, Fründe, Hobby und jetzt au no Fasacht: Waisch was? Due doch abefahre, e Schritt zrugg, tief duureschnufe, nimms langsam, setz schwerpünkt, lueg was zellt und was dir wirgglig guet tuet! Und dorum und mit vollgas, 150%: SLOW DOWN, TAKE IT EASY!!!
Engel Gaudienz
Comentarios