Viva carneval Liebi revolutionärinne und revolutionäre, es isch an dr zyt, dass d’befreiig vom real existierend kpitalistische carnevalsbetrieb indäre gschichtstraächtige stadt ändlig Überhand nimmt! Überall herrsche kapitalistischi mächt, sie beherrsche d’stroose, d’beitze, d’wurschtständ. Alles isch reglementiert und programmiert, überall regiert s’gällt, alli wänn ospels und blochers in in ihre reihe ha, s’comité vertaillt medaille an ihne gnähmi verein, und numme, wel sie gäld sammle für dr sogennant freii carneval, dä carneval, wo sötti wirgglig frei si, wild und unabhängig. Wie kha denn öppis, Liebi revolutionärinne und revolutionäre, frei si, wenn alles an route, azahl vorttäbler und musiker gmässe wird und alles denn mit gäld ufgwoge, honoriert und estiemiert wird. Worum hänn die denn s’gfühl, numme ihri fasnacht isch die rächt, dört wo alles igfädlet vonere sälbsternannte elite isch und genau noch em immer gliche strickmuschter verlauft, diktatorisch bestimmt und mit argusauge kontrolliert, wo sich clique sälber an d’spitze schwätze und sie sich sälber zur crème de la crème bestimme. Liebi revolutionärinne und revolutionäre, es isch an dr zyt, es isch s’momentum, wo das jetzt änderet. Liebi revolutionärinne und revolutionäre, mir stürze die allmacht, mir, wo uns vo däre geissle vom vorpfiffe und vordrummle befreit hänn, mir wo’s satt gha hän, immer und immer genau denn dr abschlag z’mache, wenn’s irgend so e zampano befole het, mir wo’s nümm toleriere, immer pünktlich und uff kommando grad und immer uff em glieche glied iizstoh, mir wo’s toleriere, wenn dr felix witterschwätzt, wenn mr ablaufe, wo uns nit ärgere, wenn dr böbberli forte bim piano wirblet und dr florien lieber nonstopp schnurt als pfifft, mir, Liebi revolutionärinne und revolutionäre, wo froh sinn, wenn dr ibiegskäller überhaupt uffgschlosse isch, mir, wo uns nit schämme, in jedere verfassig und formation und mit sämtliche tonlage woss nit git und fünfstimmige trummeltägscht an de pausierende bebbis verbie z’zie, und das mit dr immer glieche larve, wie vo anno domini, mir, Liebi revolutionärinne und revolutionäre, mir ändre das. Ich bi überzügt, dass sich unser konzäp vonnere freie fasnacht no in dämm johr uff all die andere carnevalischte niederschlot, dass mir ihne ändligg
Fidel Gaudenz
Comments