Zum 1. "Intärne" vo de Chromosömli am 4. Hornig 2023
E Bangg vo dr Carole und dr Pätty
Ich will euch do mol öbis klaage, und zwar vom läbe vorem wage! Als vortrab nutz ich do dä bangg,
euch zpäsentiere mänge schwangg.
Ihr sölled hüt und do erläbe,
wi das so isch das vortrabsläbe...
und in mim fall, zwar eher klei, heissts jetzt: ab in die erschti rai!!!
Dr uftrag isch klar, dr wäg musi ruume,
all die lyt usem wäg rume wo dr wäg nid dien sume.
E wäg musi finde, wo mögligscht umgoht,
die gugge wo do grad rächts vo uns droht.
Ok, sag mr, los, usem wäg ihr lusche,
sproblem isch nur, ich gseh kum uffe.
Do hilft nur suffe.
Wenn alles guet lauft, wiched lüt usem wäg,
fir mi sins au dorum die schenschte 3 däg!
Hesch alles im griff, slauft, bitte sehr,
schpaltisch bsuecher, wi dr Jesus domols smeer.
nid nur ich has im griff, i gspür e Hand am grind,
shet mi eini paggt, het gmeint i sig ihr kind!
Do vorne mümer drei lang, dr wage stosse ufe hang.
Dr grund für das gwicht, es isch verregt,
isch unter dene vorhängli verschteggt!
Das alkoholisch Aquarium wird zwar immer lärer,
skunnt mr trotzdäm vor als wurds immer schwärer!
Dr grund isch gar nid öbben unde, e lääre räpplisagg, wo brämst, nei, i has usegfunde:
Die links vo mir het schinbar Mieh, schiebt aber gopferdammi nie!
Wennd Route wählsch kunnt das spontan,
hebsch dr hädsche, niggscht dr zue, sisch ganz profan.
Es isch mr aber au scho passiert,
Do bini linggs, ha rollstiel verschücht, halt dGass dominiert.
Do dreimi um, swird mr bang und benger... keini sömli isch sgseh... und das scho sit lenger!
An morgestraich nimi dr max jetzt mit, n
it ebbe öbbe nur, weler wiit.
Nai, eso kani de kinder uswiche, wo kurz vor de viere ame ummi schliche. I sot do und dert en aug druf bhalte, mit lüchtige bändeli zum si halte.
Sit dr max vor mir lauft isch das vorüber,
die goofe sin hinde und ich gseh serschtmol drüber!
Generation z. Die piggelige sieche, gfühlt alles eunuche, kasch eh für nüt bruche.
Ei vorteil vom wage isch witus verkennt:
as er uns vom sound vo de pfiffer trennt.
Ganz fies wirds in däne änge gasse,
wenns schallt und giitscht. de kaschs kuum fasse!
Wenns zvil wird, gosch fire, ganz vorne vorus...
ganz eifach will, nur dert haltsches us!
Mr wärde jedes johr immer rifer, drum hämer jetzt märsch ohni pfyffer!
Ich bi eher klei, das isch halt eso. Trotzdäm bini letschti ine beiz ineko.
Sisch äng xi und e Tisch - keine gfunde,
was no vo vorteil wär, hani dängt witer unde.
Dr källner zellt duure, dWahl isch gschprützte wysse,
skeme 9 statt zäh, er heig mi nid gseh, sisch zum schisse!
Wennd nach Links laufsch, denn kasch dr sicher sy,
smeint schpötr eine, shät nach rächts miese sy.
Enandri kunnt, und meint nachme kömplimänt,
sisch im fall zum Schlüssel wo si duure wänt.
Kumm isch ihri Larve im Volk verschwunde,
i sags euch total unumwunde, hani dängt, ich könnt sowas wette,
die zwei kenne sich, die Deppe!
Als vortraab isch mi loos, wi ghört, mängmol schwär,
aber wie wärs läbe, wens anders wär?
Ich ka do klaage, intrigiere, sogar wie serschtmol e bangg presentiere.
Ihr händs vilicht nid in jeeder gass gmergt,
aber ihr händ mir immer dr rugge gschtergt.
E Hoch uf euch!!
Carole & Pätty
Comments